ДА НЕ СЕ ЗАБОРАВИ : "Единаесет години од хеликоптерската несреќа кај Катлановско Блаце"

Единаесетте македонски мировници загинаа на 12 јануари 2008 година, на враќање од мировна мисија „Алтеа“ во Босна.

Фото/Текст извор: ©онлине / магазин

Денеска се одбележуваат единаесет години од хеликоптерската несреќа, кај село Блаце, Катлановско, во која загинаа единаесет припадници на воздухопловната бригада на АРМ.

Во Катлановско Блаце цвеќе ќе положат делегации од Министерството за одбрана и Генералштабот на АРМ, Здружената оперативна команда, воздухопловната бригада, прва механизирана пешадиска бригада и членовите на семејствата на загинатите припадници.
Припадниците на воздухопловната бригада и делегации од МО и АРМ ќе го одбележат овој ден и на спомен обележјето пред командата во касарната „Страшо Пинџур“ во Петровец.

Делегацијата на МО ќе биде предводена од министерката Радмила Шекеринска, додека делегацијата на ГШ од заменикот на НГШ на АРМ, генерал мајор Мухамет Рацај. Делегација на МО и АРМ предводена од заменик-министерот Беким Максути ќе положи цвеќе и пред спомен обележјето на загинатите припадници на АРМ во касарната „Бутмир“ во командата на мисијата АЛТЕА во Босна и Херцеговина.

Единаесетте македонски мировници загинаа на 12 јануари 2008 година, на враќање од мировна мисија „Алтеа“ во Босна. Во несреќата загинаа Тони Спасовски, Горан Ристовски, Бране Спасовски, Игор Ѓорески, Славчо Василев, Тони Давитковски, Јанко Шириќ, Мики Ивановски, Александар Тасковски и Александар Васиќ и Златко Вељановски.
Хеликоптерот МИ-17 со кој тргнаа на последниот лет требаше да слета на воениот дел од аеродромот во Скопје.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.