И во двата случаи на смрт од непознати причини по наредба на Јавен обвинител телата се дадени на обдукција и се отворени предмети.

Малолетник синоќа околу 23;30 часот бил донесен починат во Општата болница во Охрид.

“Според насоки на Јавниот обвинител – преземени се мерки при што е утврдено дека се работи за малолетно лице од Охрид на возраст од 17 години кое претходно се движело по улицата “Марко Цепенков” со уште неколку негови другари. Во еден момент тој паднал на улица а потоа бил пренесен во Општата болница Охрид каде лекар констатирал смрт” – соопштија од МВР.

Утрово пак четириесет и едно годишна Охриѓанка која како постанар живеела во стан во Скопје – откако два дена не доаѓала на работа – била пронајдена во бесознание во станот.

Жената со возило на Итна медицинска помош била пренесена во Комплексот клиники “Мајка Тереза” каде кратко подоцна починала.