Во колумна објавена на порталот плусинфо, познатиот граѓански активист и учесник во Шарената револуција Џабир Дерала пласира шокантни информации дека СДСМ и Зоран Заев на локалните избори во Дебар испратиле хермелини и специјалци за да ја обезбедат победата на ДУИ во Дебар. 

Дерала исто така пишува дека во изминатите четири месеци власта предводена од Зоран Заев предвидувала само разочарувања и нови скандали.  

Премиерот Заев, во новогодишното интервју што го направив, соочен со прашањата поврзани со ветувањата и очекувањата, кажа дека ќе очекува многу повеќе работа и одговорност од министрите и градоначалниците, но од тогаш поминаа речиси четири месеци, исполнети со скандали и нови разочарувања.

Тој потенцира дека главната порака на претседателските избори е дека луѓето се разочарани, не поради ЕУ и НАТО перспективите што, очигледно, ги поддржуваат во огромно мнозинство, туку поради неисполнетите ветувања. Во овој момент е неважно дали тоа (не) е ефикасен начин да се испрати порака до било која власт, туку дека тоа е пораката, а не е нешто друго.