Централниот Одбор на владејачката СДСМ вчера го разреши целото раководство на партијата, откако шесте потпретседатели на СДСМ  си поднесоа оставки по “метлата“ што ја најави премиерот Зоран Заев. Но првиот човек на СДСМ според партиски извори очигледно немал храброст да посегне по функцијата на Шеќеринска иако бил свесен за нејзината слаба популарност во членството.

Потпретседатели на СДСМ беа: Фросина Ременски, Дамјан Манчевски, Оливер Спасовски, Мухамед Зекири, Благој Бочварски, Петре Шилегов.

Беше разрешен и на генералниот секретар Александар Кирацовски. На негово место беше назначен назначен Љупчо Николовски актуелен министер за земјоделство. Новиот генсек на партијата Љупчо Николовски е поранешен шеф на кабинетот на Заев и важи за негово перосонално решение. Со ова решение, проследено со разрешувањето на сите претседатели на општинските организации, Заев целосно ја презема партијата.

Шеќеринска претходно јавно на состанок на Извршниот одбор потсетила на џентлменскиот договор кој го имале со Заев уште на време на  партискиот конгрес на СДСМ во кој се договориле дека ќе се воведе функција заменик претседател којa ќе ja извршува таа,  а ќе ги има скоро сите овластувања како и претседателот-брифираат извори од СДСМ. 

Претседателот на СДСМ , Зоран Заев по завршувањето на седницата на ЦО на СДСМ рече дека ветеното го исполниле. Целиот фокус ќе биде на подобрување на животот на граѓаните, рече Заев. Тргнавме од своите редови за подобрување, народот тоа ќе го цени.

Пораката ја примивме и сите сили ќе ги насочиме кон подобрување на животот на граѓаните. Следуваат промени во извршната власт , рече премиерот.