Израелски авиони рано утрово гаѓаа на неколку локации во појасот Газа, откако палестинските сили во петокот испукаа две ракети кон јужен Израел.
Целта на израелскиот воздушен напад била постројка за производство на ракети и локации за обука и сместување на армијата што и припаѓаат на Хамас “, соопшти израелската армија, пренесува АП.
Ракетите истрелани од палестинска страна во петокот беа насочени кон јужниот град Ашкелон, но беа неутрализирани од ПВО, се вели во соопштението на армијата.
Ниту една палестинска група во Газа не ја презеде одговорноста за ракетниот напад што го наруши повеќемесечниот прекин на огнот.
Палестинските медиуми објавија дека утрово во воздушните напади на израелската армија биле искршени прозорци на некои објекти во источниот дел на градот Газа, без да се потврдат евентуални жртви.
Често се случуваат вакви ракетни напади и израелски одмазднички артилериски и воздушни напади, но тие главно се суспендирани во последните месеци, најмногу поради избувнувањето на епидемијата КОВИД 19 на двете територии, според агенцијата.
Палестинските милитантни групи и израелските власти се согласија да ја прекинат ескалацијата на конфликтот на границата меѓу Израел и Појасот Газа, но исламистичката група Хамас го обвинува Израел дека не ги испочитувал своите обврски за прекин на огнот, кои вклучуваат олеснување на блокадата на Газа.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.