После 25 дена во индуцирана кома, со која се бореше со тешка форма на инфекција COVID-19 и со шанса од 50:50 да преживее, Сохаил Анјум се разбуди во свет кој никогаш повеќе нема да биде ист.

Вирусот не само што, од 20 март, се шири во Велика Британија и низ светот, а во седмицата кога тој беше во кома, почина и неговата мајка, која ја загуби битката против КОВИД.

Анјум излезе од кома пред две недели, а дури сега повторно почна да зборува. Тој сè уште е во универзитетската болница Кројдон, каде што учи повторно да оди, како и да развива моторни вештини, да го поврати чувството за вкус и да се обиде да се помири со фактот дека неговата мајка не е повеќе тука. Беше сведок како две лица во креветите до него да умрат.

Поранешниот жител на Дубаи се врати во Лондон во април 2019 година за да биде поблизу до своите постари родители, велејќи во интервју за Национал дека сака да испрати важна порака до сите: сфатете го сериозно COVID-19.

47-годишниот Анјум вели дека не знае каде се заразил, но претпоставува дека тоа било некаде во јавниот превоз во Лондон, со кој одел на работа секој ден. Тој се разболе на почетокот на март:

“Луѓето треба да знаат дека ова е исклучително опасна болест. Ова не е само грип”.

Симптомите започнаа со мигрена и сува кашлица. Никогаш порано немал мигрена и вели дека на почетокот мислел дека не е ништо сериозно и дека се чувствува „многу чудно“. На крајот, твитот на актерот Идрис Елба, кој ја опиша неговата борба со КОВИД, ја натера Анјум да одлучи да се тестира. Но, не помина така лесно.

„Се обидов да одам во болницата, но едноставно не успеав. По седум дена, симптомите ми се влошија и навистина бев многу лошо“.

Тој сè уште работеше … Еден ден ја напушти работата (работи како фотограф …) затоа што имаше силна главоболка и отиде да го види лекарот, но таму тие му рекоа дека имаат вирусна назална инфекција, да земат парацетамол и да ќе биде подобро.

Во следните неколку дена, симптомите се влошија, температурата се зголеми и тој почна да кашла. Повторно  повикал итн помош, каде што после два часа чекање да се јавил операторот, му рекол дека има грип и да зема парацетамол.

Повторно, неколку дена подоцна – на 20 март, му рекоа да почека уште неколку дена и доколку симптомите продолжат, да оди во болница. Сепак, Анјум го повикал својот брат и веднаш отишол во болницата, каде веднаш бил поврзан со респиратор.

„Ова беше пред два месеци“, вели тој, додавајќи дека докторот дошол и рекол „мора да ве успиеме“: „Бев многу лошо, реков направете се што е потребно“.

Моето ниво на кислород беше толку ниско што лекарите рекоа дека сум на работ на смртта. „Можеше да заврши било како . Тие ме успаа и веќе не се сеќавам на ништо“.

Осум дена подоцна во болницата беше примена и неговата 81-годишна мајка, со која живееше. Таа почина два дена подоцна. Братот на Анјум доби дозвола да ја види пред да умре – тој му рекол на Анјум дека само се моли за неговото здравје. Анјум е сигурен дека таа молитва му го спаси животот …

Анјум беше во кома 23 дена, на респиратор. Потоа му дадоа седативи и го разбудија.

“Никој не сакаше да ми каже како беше мајка ми, поради траумата низ која минував. Не можам да го објаснам тоа, но имав чувство дека мајка ми ја нема. Мене тоа ме потресе ужасно. Јас сè уште не можам да се помирам …”

“Рацете ми се тресат додека ви ги пишувам одговорите. Мојата чаша вода е исто така тешка. Лекарите се задоволни и мојата состојба е генерално добра, но пулсот ми е сè уште брз и не можам да разберам зошто е така. Но, верувам дека ќе биде подобро “, додаде тој.