Претседателот на ДУИ, Али Ахмети, не мисли да се кандидира за Претседател на Македонија, изјава скоро идентична со онаа на премиерот Заев, само што неговата беше внатрепартиски изнудена.

Тој вели дека е реален и свесен за околности во кои влегол во политика, алудирајќи дека е политички претставник на ОНА, затоа тој изјави дека кандидатурата за Претседател е завршено поглавје.

Не е скромност да кажам дека никогаш не сум размислувал да бидам претседател на државата. Ако се земе како теза, за претседател на државата во услови во кои јас влегов во политиката, треба да бидеме рационални и транспарентни. – изјави Ахмети.

За конкретни имиња се уште не разговарале, но според Ахмети професорот Денко Малески, ги исполнува стандардите.

За имиња се уште не е разговарано, но јас сметам дека Денко Малески е почитуван професор, професор кој ги исполнува сите стандарди, но пак останува да се разговара со сите политички субјекти. – рече Ахмети.

Прашан дали би ја прифатил кандидатурата за Претседател, професорот Малески не даде конкретен одговор. Тој рече дека за тоа  треба многу да се размисли бидејќи станува збор за нешто сериозно и дека ќе размисли доколку некој го контактира.