Во Рим нема смртни случаи во последните 48 часа од ефектите на вирусот Ковид-19, според главниот град на Италија, земја со најголема смртност од вирусот во Европа.

Регионалните службеници за здравство објавија на прес-конференција денес дека Рим е „стабилен“ со бројот на новооболени пациенти на дневна основа и е „под сто“.

Италија е една од најтешко погодените земји од пандемијата на вирусот Ковид-19, во која починаа повеќе од 26.000 луѓе во земјата.

Велика Британија денеска соопшти дека 413 лица со коронавирус починале во болниците во последните 24 часа, што е најниска бројка од крајот на март, со тоа што и Италија и Шпанија бележат слични подобрувања на состојбата.

Според британскиот министер за земјоделство и животна средина Џорџ Џастис на денешната прес-конференција, досега во Велика Британија починале 20.732 луѓе.

Тој рече дека 152.840 луѓе се позитивни на коронавирус, но бројот на новозаболени и приматели на интензивна нега опаѓа.

Дефинитивно е тренд на опаѓање на бројот на лица во болниците со коронавирус, изјави директорот на Националната здравствена служба (НХС) за Англија.