Зоран Милески Кичеец второ осомничениот за рекет од 1,5 милиони евра, доби 30 дена притвор неофицијално дознава Сител од извори во Судот.

Вечерва се очекува одлуката судијата на претходна постапка, да ја објави во писмено соопштение по завршувањето на сите истражни дејства.

Зоран Милевски Кичеец со лисици на раце вечерва е спроведен на распит пред истражен судија. Милевски денеска е уапсен во еден скопски ресторан.

Кичеец и Боки 13 убедувале осомничено лице во истрага, дека се поврзани со јавниот обвинител кој ја води истрагата, дека можат да ја олеснат постапката.

За тоа барале награда од 8 милиони евра, но подоцна сумата била спуштена на 5 милиони евра, од кои примиле 1,5 милиони евра. Остатокот договориле да се исплаќа на рати во период од четири месеци.

Првоосомничениот или Боки 13, се товари и за перење пари, а парите ги пуштал во промет како легитимно стекнати и со нив купувал разни предмети, облека.