Брзоплетоста за реакции по инцидентот на едно гласачко место во Мелбурн, Австралија, доведе до прекршување на молкот од страна на извршната власт со огласување на ненадлежен министер.

Имено откако од вчера на Фејсбук страницата “Предавници Traitors” се прикажаа лица како ги снимаат, фотографираат и навредуваат граѓаните кои во дијаспората излегоа да гласаат на референдумот, се огласија и македонските власти. 

Конкретно ,инистерот задолжен за дијаспора, Едмонд Адеми, вели дека снимањето е пријавено кај властите во Австралија, снимачите се идентификувани и ќе ги сносат законските последици.

Чинот на снимање на гласачите пред конзулатот во Мелбурн од страна на неколку индивидуалци е спротивно на сите закони и вредности на демократијата. Им честитам на тие граѓани кои водејќи се од националните и стратешките интереси на државата денес се одважија и го искористија своето загарантирано право на глас. Нивниот глас ќе се вреже во темелите на европска Македонија, како и гласот на сите други кои денес ќе гласаат. Истовремено, инстутуциите на Република Македонија, се во контакт со Австралиските власти. Случајот е пријавен, снимачите се идентификувани и ќе ги сносат сите законски последници согласно Австралиското законодавство. Ги охрабрувам сите кои денес ќе гласаат во дипломатско конзуларните претставнишвта без никаков страв да го искористат своето граѓанско право на глас. – се огласи Адеми.

По оваа реакција согласно законот за изборни процеси и законот за референдум органите на прогонот а и Државната изборна комисија треба да констатираат прекршување на молкот и директна агитација од функционер од извршната власт во презиборен молк и за време на изборен процес.

Имено единствен изборен огран кој смее да ги толкува инцидентите е Државната изборна комисија на Република Македонија на која при асистенци и стојат само две министерства согласно законот, Министерството за правда и Министерството за внатрешни работи.

Едмонд Адеми во основа ја злоупотреби службената функција и изврши директен упад во изборниот процес со партиско – политичко агирирање и Основното Јавно обвинителство треба да постапи по службена должност.