Лидерот на oпозициската партија ВМРО-ДПМНЕ, Христијан Мицкоски на својот Фејсбук профил ја поздрави одличната преработката на страта македонска песна „Нешто ќе те питам бабо“ од страна на дуото „Некс Тајм“.

-Со оваа песна растевме, со оваа песна ќе продолжиме да работиме, за нејзе, за Македонија. Одлично сработено дело. Македонија вечна! Браво момци, напиша на својата Фејсбук страница Христијан Мицкоски. Инаку песната беше промовирана вчера а доби многу позитивни коментари од публиката. Социјалните мрежи се преплавени со оваа песна, речиси сите ја споделуваат а на Јутјуб веќе има повеќе од 64 илјади прегледи. Браво само напред за Македонија, Во вистински момент, кога е најтешко!, Одлична Македонска песна! ,Да живее мајка Македонија, се само дел од коментарите кои стојат под официјалниот видео запис. !

Песната беше промовирана вчеравечер а во преполниот Драмски театар сите едногласно скандираа „Македонија, Македонија“. Браќата Стефан и Мартин, уште еднаш успеаа да ги растопат срцата и да ги разбудат емоциите кај Македонците. 

Оваа песна е дело на нивниот познат тим на соработници, аранжманот е дело на Никола Мицевски, а видеото е во режија на Огнен Шапковски а е посветена на македонскиот војвода Тодор Александров кој бил убиен на 31 август 1924 година.