Лидерот на опозициската партија ВМРО-ДПМНЕ Христијан Мицкоски, денеска беше во посета на пазарџиите во Битола. Тој најави голем митинг на ВМРО, во овој град и изјави дека е сигурен во победата на професорката Силјановска, на престојните избори во април.
„Посетата ја започнуваме овде од пазарот, каде што сакаме да поразговараме со луѓето што се во секојдневен контакт и во допир со Битолчани, да споделиме искуства, да ги слушнеме нивните искуства од тоа како денеска живеат луѓето, каква е потрошувачката помеѓу луѓето овде во Битола. И мислиме дека од таа навигација можеме многу да научиме, а во иднина истата таа навигација која што ќе ја добиеме од овие луѓе да ја искористиме и во рамките на креирање на нашите политики во подоцнежна фаза.“
Мицкоски потенцираше дека е сигурен во победата на Силјановска на овие претседателски избори, а пред Битолчани изјави дека се надева дека Зоран Заев, еднаш ќе остане на ќажаниот збор и веднаш потоа ќе распише предвремени парламентарни избори.
Затоа сето она искуство и сета онаа навигација која што ќе ја добиеме од граѓаните во Битола и од Пелагонискиот крај, но и од овие луѓе кои што се овде на пазарите ќе бидат од огромно значење во креирање на идните политики на ВМРО-ДПМНЕ, потенцираше Мицкоски.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.