Лидерот на ВМРО-ДПМНЕ Христијан Мицкоски со порака на својот Фејсбук профил упати честитки до македонските одбојкари.
Вечерва по победата на македонската одбојкарска репрезентација упати честитка до одбојкарите.
–Честитки за јуначката победа на Македонските одбојкари. Црвено жолтата се брани со мотивираност, енергија, посветеност, чест и име.
Македонија е горда на вас. Во тешкото секојдневие на нашиот народ заеднички да се радуваме на уште победи! , стои во неговиот пост на Фејсбук.
Веднаш по победата најдобриот македонски одбојкар Никола Ѓорѓиев, беше еуфоричен и истакна дека секој од нив се борел до крај за триумф.
-Видовте ли како ги победивме среде Словенија? Во 2014 година двапати им водевме 2-1, а губевме 2-3, сега сè се врати. Имаме срце како планина. Местото ни е меѓу најдобрите 16 во Европа. Немаше слаб играч, играме сите, се бориме до крај, изјави капитенот.
Селекторот Никола Матијашевиќ го истакна добриот блок на нашите одбојкари, и додаде дека тоа е доказ за борбеноста на тимот. Тој си посака осминафинале во Нант против домашната Франција, земјата во која долги години работи во клупската одбојка.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.