Невена Божовиќ е овогодинешниот победник на Беовизија во Србија.

Младата Невена која е по потекло од Косово, ќе ја претставува Србија на Евровизија, која ќе се одржи 14 мај во Тел Авив во Израел.

Невена не можеше да ги скрие солзите, кога слушна дека е победничка, а песната ја посвети на својот сопруг Никола  Ивановиќ.

Финалето на Беовизија почна во 21:00 часот и вечерва 12 кандидати се бореа за престижното место за Евровизија, кое ќе се одржи во Израел на 14 мај, во првиот дел од полуфиналето.

Натпреварувачите се претставија на публиката со своите песни, а гласовите ги даде и публиката, но и стручниот жири кој беше составен од 5 членови.

Невена Божовиќ е родена на 15 јуни 1994 година во Косовска Митровица. Таа ја претставуваше Србија на Детската Евровизија 2007 година во Ротердам и освои 3 место.

После победата на Беосонг 2013 година, како член на групата мои 3, се натпреваруваше како претставник на Евровизија 2013 година во Малме.