Општина Ѓорче Петров воведува нови правила во училиштата, децата не смеаат да доааѓат на настава со мобилни телефони.

Ваква наредба издал градоначалникот на Ѓорче Петров .

Како што соопшти самиот Наумовски целта на оваа одлука е непречено да се одвива наставниот процес а мерката ќе почне да важи во второто полугодие.

Наумовски информираше дека наставниците за потребите на наставата нема да бидат спречени да користат друга информациско-комуникациска технологија.

Од друга страна пак мобилните на учениците ќе бидат исклучени и ставени на одредено место за време на часовите, што значи дека ќе можат да ги носат во школо, но не и да ги употребуваат за време на наставата.

Останува да видиме дали оваа мерка од страна на градоначланикот ќе биде отпоздравена од родителите на учениците.

За овој проблем наставниците одамна укажуваат

-Користењето на мобилните телефони на наставата во училиштето е проблем кој бара решение, како од наставниците, така и од родителите и учениците. Во училиштето во кое работам, директорката пред еден месец со одлука ги забрани на час. На почетокот на часот, учениците ги оставаат телефоните на посебна клупа, а на крајот ги земаат. Јас ја поддржувам оваа одлука. Прво, затоа што наставникот може непречено да си ја врши работата, а второ – учениците ќе бидат внимателни, ќе дискутираат и ќе бидат активни на часот, ова го изјаваи професорката Фросина Крстевска од Куманово за порталот Медиум.