Од Светската метеоролошка организација прогнозираат 70% шанса да се повтори феноменот Ел Нињо до крајот на годинава и да ја запише 2018 како рекордна најтопла во историјата.

Метеоролозите очекуваат дека нема да биде толку интензивен, но сигурно е дека климатските промени влијаат на традиционалните метеоролошки појави. Последниот Ел Нињо се случи зимата 2015/2016 и предизвика хаос во климата низ целиот свет – суши во Африка кои влијаеја разорно врз земјоделските култури и смртоносни поплави во повеќе земји од Јужна Америка.

Ел Нињо или Јужната осцилација, како што се вика вистински, е природен феномен при кој промените на температурата на површината на Тихиот Океан влијаат на времето низ целиот свет.

Годинава температурите на океаните се зголемени во азиско-пацифичкиот регион, Европа, Северна Америка, Африка и поголемиот дел од крајбрежјето на Јужна Америка.

Годинава почна со обратната фаза, Ла Ниња, што не беше многу силна и малку ја разлади површината на Пацификот.

Овој ефект до сега избледе и според прогнозите на Светската метеоролошка организација, постојат 70% шанси за нов Ел Нињо до крајот на годинава.

Ел Нињо од 2015/2016 беше најсилниот до сега регистриран и предизвика летото 2016 да влезе во книгата на рекордите како најтопло во историјата.