Поранешниот градоначалник на општина Карпош Стевче Јакимовски заработи кривична пријава и за него се бара одземање на пасошот и мерка редовно јавување на суд.

Освен Јакимовски во кривичниот суд беа спроведени уште четворица негови соработници кои се сомничат за истото дело – оштета на општинскиот буџет во корист на две правни лица.

На влегување во кривичниот суд нервозен Јакимовски упати пцовка кон новинарите.

Тој се терети дека со раскинување на тендерски договори и неактивирање банкарски гаранции за изградбата на општинскиот објект и плоштадот во Жданец при што фирмата Алконпроект се стекнала со над 549 илјади евра а фирмата С.М. Компани со над 46 илјади евра или вкупо буџетот на општината е оштетен за речиси 600 илјади евра.

Јакимовски ја злоупотребил својата положба во 2012 година со тендерот за изградба на општинската зграда и тоа со неколкукратни отстапки. Не побарал и не активирал банкарски гаранции но и дозволувал да се гради без одобрение. Јакимовски давал усни наредби.