Од денеска пријавување за вакцинирање против ковид-19 и во домашни услови!

Од денеска граѓаните кои поради здравствени причини не се во можност да дојдат и да примат вакцина против ковид-19 на одредените пункт, може да закажат вакцинирање во домашни услови, соопшти Министерството за здравство.

Граѓаните треба да се јават во здравствените домови во нивните градови или општини и да закажат вакцинирање со домашна посета.

Вакцинацијата во државата се врши во Здравствените домови каде има пунктови за вакцинација, ревакцинацијата се одвива во спортски сали во поголемите градови, а има и теренска вакцинација по руралните средини.