На прашањето зошто во Јапонија има толку малку жртви на вирусот „Ковид-19“, јапонскиот министер за финансии, Таро Асо, 79-годишен тврд националист, кратко одговори со зборот „ум“ – што може да се преведе како „повисоко културно ниво“.

Телевизијата ТБС наведува дека јапонскиот јазик има малку т.н. согласки на праска и затоа помалку капки се пренесуваат за време на говорот а со тоа и помалку се пренесуваат вируси. Многу Јапонци, од друга страна, се убедени дека нивната добра исхрана ги штити подобро од вирусот  корона.

Но, овие јапонски теории не објаснуваат зошто стапката на инфекција и смртност е толку ниска не само во Јапонија, туку и во цела Азија. Досега, Кина објави три смртни случаи на милиони жители како резултат на инфекција со вирусот Ковид-19, Јапонија седум, Пакистан шест, Јужна Кореја и Индонезија пет.

Тајван, Виетнам, Камбоџа и Монголија се дури и без регистрирани жртви на вирусот корона. Заради споредба, во Германија, 100 од милион жители починале како резултат на инфекција со вирусот корона, во САД околу 300 и во Велика Британија, Италија и Шпанија преку 500 жртви на милион жители.

Ваквата голема разлика не може да се објасни со различни тестови и методи на броење. На пример, Јужна Кореја масовно ги тестираше своите граѓани на излез од паркингот, додека Јапонија долго време ги тестираше само пациентите кои имаа треска повеќе од четири дена, како и луѓето кои беа во контакт со заразените.

Исто така, другите обичаи во Азија при поздравување без ракување не се пресуден фактор ако вирусот се пренесува преку воздух. Затоа, науката сега се фокусира на другите разлики помеѓу Западот и Истокот со цел подобро да се бори против вирусот корона на глобално ниво.

Научниците од јапонскиот институт за заразни болести откриле дека вирусот Сарс-КоВ-2 е генетски изменет со регионалното ширење. Првите инфекции во Јапонија и на крстосувачот „Diamond Princess“  во пристаништето Јокохама навистина потекнуваат од вирусот од Вухан од Кина.

Но, уште еден бран на инфекција во Јапонија пристигна од патници од Европа. Истражувањата од Универзитетот во Кембриџ го потврдија ова. Многу е можно вирусот во Европа за време на мутацијата да станал заразен, смета американскиот тим на научници од Националната лабораторија Лос Аламос.