Само четири од вкупно 77-те компании – апликанти добитници на средства од првиот повик од Планот за економски раст – трет столб се изјасниле дека во својата сопственичка структура имаат лице кое е носител на јавна функција или член на негово потесно семејство.

Инвестициските проекти на четирите компании како што велат од Фондот за иновации и технолошки развој [ ФИТР ] ќе бидат повторно доставени на разгледување до Комитетот за одобрување на инвестиции според критериумите за селекција и согласно правилниците на повикот.

Изјави поднеле компаниите:

“Микросам Прилеп” АД – Веле Самак – акционер – министер без ресор задолжен за странски инвестиции во Владата на Република Македонија кому функцијата му извршила заклучно со 30.05.2017 година.

“Контура” ДОО – Скопје – Елена Донева – сопственик – член на потесно семејство на Јован Донев поранешен амбасадор во МНР на Република Македонијa кому функцијата му извршила заклучно со 28.02.2017 година.

 тоа е компании каде нема носители на функции затоа што и Донев и Самак не се функционери повеќе од 1.5 година. Но има компании кои имаат активни носители на јавна функција:

“Т – Сенс консалтинг” ДОО – Скопје“ – Мерита Адеми малцински содружник член на потесно семејство на Асаф Адеми министер за култура во Владата на Република Македонија од 01.06.2018 година.

Од страна на компанијата до Фондот е доставено и известување за извршена промена на сопственичката структура односно бришење на лицето Мерита Адеми.

Како дополнение на изјавата во посебен документ лицето Христина Керкез еден од сопственици на “Декодикс” ДОО експорт – импорт Скопје декларира поврзаност како член на потесно семејство на Цвета Ласкова посебен советник во Канцеларијата на Претседател на Владата на Република Македонија.