3 ноември 2020 година, Виена, Австрија – Светскиот Македонски Конгрес (СМК) најостро ги осудува терористичките напади во близина на градската Синагога и заложничката драма во ресторан во Виена, при што се убиени и ранети повеќе лица.
Македонците по род и државјанство, од сите делови на Македонија, во светот и татковината, се молат за душите на убиените и за здравје на повредените.
Македонците по род и државјанство, од сите делови на Македонија, во светот и татковината, изразуваат солидарност со Австрискиот народ.
СМК упатува искрено сочувство до семејствата на убиените и до австрискиот претседател, Александар ван дер Белен.
СМК изразува загриженост за терористичките напади и заложничката драма и верува дека полицијата ќе се пресмета со координираните терористички напади на повеќе локации во австриската претстолнина.
СМК ја осудува верската нетолеранција и омраза како повод за терористичките напади во Виена.
СМК очекува Македонската амбасада во Австрија да излезе со соопштение дека во овие терористички напади нема жртви Македонци, по род и државјанство, со работа и престој во Австрија.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.