Започна собирањето на парична помош за дванаесет членото семејство Мирчовски од село Русиново кое вчера остана без покрив на глава.

Први на помош се вклучија исленици од Швајцарија и Германија, помош даде Ване Воденски, татко на познатиот кик-боксер Кристијан Воденски, кои повеќе од 30 години живеат во Германија.

Инаку хуманитарните организации почнаа да организираат групи за помош и апелираат до сите граѓани кои се во можност да помогнат на ова семејство, кое има четири малолетни дечиња. Парична помош е на прво место, но потребни се и храна, облека и се она што е неопходно за живот.

Во помошта за семејството се приклучија и Градежна механизација составена од вработени во јавното претпријатие „Услуга“ од Берово со тоа што помогнаа за расчистување на остатоците од куќата што целосно изгоре во пожарот.

Беровчани од денеска, своите донации можат да ги достават и во донаторски кутии во „Пакет Маркет“ во Берово, што вчера донираа прехранбени продукти и алишта за несреќното семејство. Граѓаните кои имаат желба да помогнат тоа можат да го сторат на трансакциска сметка на име Александар Мирчовски со број на сметка 200002693474846.

Инаку пожарот кој ги остави без покрив над глава семејството Мирчовски, се случил вчера околу 2 часот по полноќ, а прв го забележал Александар Мирчовски, кој навел дека пожарот започнал од подрумските простории.