Директорот на струмичката болница Наќе Гогов вели дека скандалозното известување во болницата со кој се бара родилките задолжително да носат извод од венчани пред породување е отстранет.
“Лани тогашниот министер за здравство Таравари даде “Мој термин” за новородени деца да има лична карта и извод од матична служба. Текстот не е таков каков што е напишан таму на натписот – некоја сестра од aкушерско го напишала така и го залепиле да има известување. Не ме прашале мене како да биде текстот. Тие што го напишале натписот – не се во право.
Тоа требало да биде интерно во самото одделение. Тие ги бараат тие документи секако – матична служба бара да се пушти на време раѓањето на детето – два до три дена максимум да се поднесе пријавата до матичната служба. Ама текстот што е даден не е така напишан како што е во законот – законското решение. Тие произволно така го ставиле. Ако има извод во ред – ако нема нема – тоа никогаш не било пречка. Прво раѓањето – па потоа луѓето ќе си ја вршат работата.” – изјави Гогов.
Гогов додава дека ниедна родилка што била дојдена во болницата не била вратена. Досега немало таква реакција некој да отишол и да се пожали оти такво нешто се случило.
Од Министерството за здравство исто така потврдија дека натписот бил отстранет.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.