Вардар во полн состав, а Веспрем со Штербик ги објави составите, објави Екипа.
Кај Вардар има неизвесност околу ситуацијата на Карачиќ со оглед на повредата од финишот на полуфиналето против Барселона.
Потсетување од вчерашниот наптревар, првото полувреме наговестуваше дебакл за Вардар и покрај феноменалната партија на Милосављев. Голманот во првиот дел фати 13 топки, а неговите соиграчи дадоа само седум голови.
Тимот на Вардар го победи тимот Барселона на вчерашнот ракометен натпревар со резултат од 29:27.
Останува вечерава да го бодриме Вардар со целото срце, Македонија на нозе и да се надеваме на титула.
Оние што не успеаја да заминат за Келн за во живо да го гледаат македонскиот шампион Вардар, можат на скопскиот плоштад да го проследат преносот од финалето на Лигата на шампионите.
Вардар ќе се сретне со Веспрем, а скопскиот градоначалник Петре Шилегов најави организирано навивање во центарот на градот.
– „Градот Скопје, денеска на нашиот плоштад, на голем видео бим, организира заедничко следење и бодрење за новиот триумф на Вардар и неговата нова европска шампионска титула. Ајде масовно сите на плоштад. Еден е Вардар !!! Едно е Скопје !!!“ напиша Шилегов на ФБ.
Вардар по вторпат за три години ќе игра во финале од Лигата на шампионите. Во 2017 година ја освои титулата со победата против ПСЖ.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.