– Меѓународниот сојуз стапи во соработка и склучени се договори со две реномирани домашни друштва. На тој начин за прв пат во земјава е создадено приватно невладино партнерство. Паричните средства стигнати на сметките на координаторите на проектите се искористени исклучиво за остварување на целите на Меѓународниот сојуз и исполнување на договорите склучени со партнерите. – пишува во соопштението на Јасна Ерцеговиќ.

Исто така таа тврди дека хонорарот пристигнат на сметката на Лилјана Тодоровска, еден од координаторите и идеен творец на проект, веќе била цел на истрага од Финансовата полиција и Обвинителството по што се утврдило дека транскацијата е во рамките на позитивните законски прописи и истрагата била сопрена.

Временското доцнење во остварувањето на целите на МС, според Ерцеговиќ, е исклучиво од објективни причини, а никако по вина на кооординаторите.

– До денеска никој од Меѓународниот сојуз не е повикан од органите на прогонот за никакво незаконско работење. – вели таа.

Пензионерката со идеја Лилјана Тодоровска пак за Телма обвини дека е ограбена и во краткиот телефонски разговор со новинарот од Телма изјавила дека планира да пријави дека е ограбена.

„Основното јавно обвинителство за гонење на организиран криминал и корупција во континуитет презема истражни дејствија за утврдување на фактите и кривичната одговорност. Притоа, се следат сите информации што во врска со предметот ги објавуваат медиумите. Доколку во текот на истрагата бидат утврдени елементи на други кривични дела или други сторители, постапката ќе биде проширена“, велат од обвинителството.