Како што информираше МВР, двајца моторџии од Скопје и од Велес биле повредени во две сообраќајни несреќи.
Според полициските извештаи првата несреќа се случила доцна вечерта околу 23.30 часот на регионалниот пат Велес- Извор.
Скопјанецот З. П. (30) управувајќи мотоцикл „сузуки“ изгубил контрола и излетал од коловозот, по што удрил во бетонски ѕид.
Повредениот моторџија е пренесен во ЈЗУ Општа болница Велес, каде од страна на медицинскиот персонал му се констатирани тешки телесни повреди. На местото на настанот извршен е увид од страна на полицијата.
-На 02.06.2019 околу 03.30 часот во Велес на улицата Васил Ѓоргов, М.Ј (26) од Велес управувајќи мотоцикл „пијаџо беверли“ се излизгал со мотоциклот на коловозот и паднал по што е пренесен во ЈЗУ Општа болница Велес. Таму му се констатирани тешки телесни повреди. Извршен е увид, стои во соопштението од МВР.
Седум лица се здобиле со лесни телесни повреди во седум од вкупно 12 сообраќајни несреќи, што се случиле изминатото деноноќие на подрачјето на Град Скопје. Од страна на полицијата казнети се и 70 возачи за непрописно паркирање, а со специјалното возило „пајак“ подигнати се 52 возила.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.