Додека за останатите затвореници важи правилник од Управата за санкции со куќен ред и едвај врзуваат крај со крај, јадат затворска храна.

Очекуваме јавноста и Управата на КПД Штип да дадат свое мислење за осудениот Златен командир ЧАВКОВ и неговите пајташи началници осудени за организирање и овозможување на насилниот упад на 27 април…

(авторот е вработен во КПД ШТИП), објави Зоран Буревесник Божиновски.

За потсетување поранешниот министер за внатрешни работи и директор на БЈБ, Митко Чавков, е осуден на  18 години затвор за упадот во Собранието на 27 април. 

Митко Чавков е роден на 24 јануари 1963 во Ново Село, Струмичко — тој е македонски политичар и поранешен министер за внатрешни работи на Република Македонија. На оваа функцијата стапил на 13 мај 2015 година, по оставката на Гордана Јанкулоска.

Дипломирал на Факултетот за безбедност во Скопје, магистрирал и докторирал на Правниот факултет во Скопје.

Работното искуство го почнува во Министерството за внатрешни работи. По завршување на приправничкиот стаж работел како инспектор во УБК, началник на Секторот за криминалистичка полиција во Регионалниот центар на МВР во Струмица, заменик-началник на РЦ на МВР во Струмица, виш инспектор за дрога во МВР, началник на Секторот за криминалистичка полиција во РЦ на МВР во Струмица, самостоен инспектор за финансиски криминал во РЦ на МВР во Гевгелија.

Чавков потоа работел и како главен инспектор за финансиски криминал во одделот за организиран криминал во МВР, началник на одделот за организиран криминал во Централните полициски служби во Бирото за јавна безбедност при МВР, началник на Центарот за сузбивање на организиран и сериозен криминал во Централните полициски служби во Бирото за јавна безбедност при МВР, началник на централните полициски служби во Бирото за јавна безбедност при МВР и директор на Бирото за јавна безбедност при МВР.