Одрони создадоа проблеми за учесниците во сообраќајот на патниот правец Кочани – Делчево. Возачите кои се враќаа од Скопје кон Делчево, јавија за одрони кај селото Истибања.

Учесниците во сообраќајот ги известиле вработените од ЈП Македонија пат, кои одма отишле на терен и почнале да работат на расчистувањето на одроните што го попречиле патот. Според возачите одроните за малку ќе предизвикале голема катастрофа, бидејки од нив настрадало возило во кое се возело бебе.

-Сообраќајот на спомнатиот патен правец во моментот се одвива нормално и без посериозни проблеми за учесниците во сообраќајот. Наши екипи прават дежурна обиколка на терен со што одроните редовно се отстранувааг долж магистралата А3 од Кочани кон Делчево, велат од „Македонија пат“.

Како што сведочеле возачите, на патот настанал голем хаос, имало карпи насекаде и било опасно за возење. Голем одрон паднал без еден бел автомобил и го исфрлил на страна. Но за среќа немало жртви поради одроните.

Оваа не е прв пат на ова место да има големи одрони. 

На патниот правец Кочани – Делчево во 2016 година поради одрон со голема количина на материјал, сообраќајот беше во голем во прекин.