Новонаменуваниот портпарол на Министерството за здравство на САД, Мајкл Капуто во последните неколку месеци ги обвини милијардерот Џорџ Сорос и семејството Ротшилд за обид за злоупотреба или експлоатација на пандемијата за промовирање на своите активности, политички и економски цели.
Капуто, кој беше еден од политичките стратези на претседателската кампања на Доналд Трамп, последниве месеци јавно на твитер ги напаѓаше Сорос и Ротшилд, но исто така избриша повеќе од 1.300 твита пред стапувањето на должноста минатата недела, пренесува Си-Ен-Ен.
Медиумскиот стратег во еден од своите твитови жестоко одговори на еден американски аналитичар, кој јавно го пофали Џорџ Сорос дека бил ангажиран во борбата против пандемијата.
Тој често го критикува и Дејвид Ротшилд економист, кој заедно со неговото семејство постојано кажуваат лаги за претседателот Трамп.
Овој економист е добро познат критичар на Трамп, кој тврди дека американскиот претседател е „подготвен да убие, само да остане на власт“.
Сорос е познат поддржувач на американските прогресивни и американските либерални политички цели. Помеѓу 1979 и 2001 Сорос донирал повеќе од 11 милијарди долари за различни филантропски цели.
Тој играл значајна улога во мирната транзиција од комунизам во капитализам во источна Европа помеѓу доцните 1980. и 1990. години и има дадено голема финансиска поддршка во полето на образованието на Централно-европскиот универзитет во Будимпешта. Сорос исто така е претседател на фондациите Отворено Општество.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.