Маж заразен со ковид 19 успеа да зарази 533 лица во фабрика за преработка на риби во Гана, рече претседателот Нана Акуфо Адо, пренесуваат медиумите.

Едно лице зарази над една третина од вкупно 1.300 работници во Тема, град на 25 километри источно од главниот град Акра, рече претседателот.

Новите 533 случаи во таа фабрика сочинуваат повеќе од половина од ново заразените во Гана, додаде Акуфо-Адо.

Во Гана, коронавирусот е потврден кај 4.700 луѓе досега, регистрирани се 22 смртни случаи, додека закрепнати се 494 лица, рече тој.

Европскиот центар за контрола и превенција на болести наведува во извештај за проценка на ризикот дека земјите-членки на ЕУ треба да работат на подготовки за можен втор бран на епидемијата Ковид-19.

Центарот повикува на зајакнат систем на контрола, а Европската комисија ја истакнува важноста на комуникацијата со граѓаните за можните ризици.

„Комисијата работи со Центарот за контрола и превенција на болести и со земјите-членки за да обезбеди доволно комуникација, бидејќи клучно е граѓаните да разберат дека можни се нови бранови на инфекција иако почетната е успешно решена“, рече портпаролот на Комисијата, Стрефан де Керсмејкер.