ПРОТЕСТИТЕ ПРОДОЛЖУВААТ – ВЛАДАТА УТРЕ ЌЕ ГО УСВОЈУВА ПОНИЖУВАЧКИОТ ПРЕДЛОГ!

Огромна река народ од десетици илјади ги преплавуваат улиците во протестот против бугаризација на Македонија со предлогот на Европската Унија.

Веќе втор ден народот кажува гласно и одлучно НЕ на оваа понижувачка одлука, која владата на СДСМ и ДУИ се обидува со лаги да ја протне меѓу македонскиот народ како позитивна работа за Македонија и манипулации дека ова е последната шанса за преговори со ЕУ, додека ѝ се спрема разнебитување, ревизија на учебниците од страна на Бугарија и ставање на македонскиот јазик во фуснота во официјалните документи на ЕУ како бугарски дијалект.

Ништо од ова нема да ја доближи Македонија до ЕУ, преговарачката рамка и Протоколот во ниту еден момент не го гарантираат ова – напротив, остава простор на Бугарија да нѐ враќа чекори назад со секое ново поглавје, преку нејзиното право на вето.

Овие т.н. „европски вредности“ на понижување, шовинизам и фашизам врз помалите нации, со опструирање на можноста за самоидентификација преку уцени и притисоци, не се вредностите кон кои ние се стремиме како народ и самостојна држава.

Отпорот продолжува секој ден во седум – до крај.