Американскиот актер и режисер Стивен Сегал е назначен за специјален претставник на руското министерство за надворешни работи за прашања од областа на руско американските хуманитарни односи.

Според одделот за надворешна политика Сегал ќе работи на развивање на руско – американските хуманитарни односи пред сè во однос на културата и уметноста.

“Неговата задача ќе биде да развива соработка во сферaта на младинската размена како и во многу други општествени активности.” – пишува “Спутник”.

Американскиот актер доби руско државјанство во 2016 година и тоа лично од претседателот Путин.

“Отсекогаш сум чувствувал дека САД и Русија треба да бидат најдобри пријатели и сојузници. Без оглед на несреќната пропаганда што се случува околу нас – јас – како и досега – се придржувам кон таа идеја и подготвен сум да работам напорно за да ја постигнам ваквата цел. Ви благодарам за ваквата можност.” – рече своевремено Сeгал.