Фросина Ременски, потпретседателката на Собранието и осомничена во случајот Рекет во дело за меѓународниот сојуз имала два телефони и двата и се наоѓаат на вештачење откако и се одземени при претресите во истрагата, објави ТЕЛМА.

Од обвинителството за телевизија Телма потврдија дека сите предмети меѓу кои и телефони на осомничените се на вештачење за дополнителни траги и сознанија потребни за истрагата.  Претрес е вршен во домот на Ременски, додека не е вршен во кабинетот на потпретседателката во Парламентот.

Како што објави телевизијата Фросина Ременски имала два телефонски броја, но истрагата утврдила дека еден од апаратите кој и бил одземен бил нов односно почнала да го користи на 11-ти јули, или четири дена пред отворање на истрагата за случајот Рекет. Телефонот кој претходно го користела не е одземен при претресите. Сега со вештачењето може да се откријат и извадат само податоци од новиот апарат, а за дополнителни анализи на комуникациите обвинителството може да побара информации од операторот чиј број користела пратеничката.

Истрагата за Рекетот е отворена на 15 јули, 4 дена по менувањето на апаратот на Ременска. Тогаш Ременски не беше осомничена иако во написите за случајот претходно се спомнуваше псевдоним Фрики. На 15-ти јули беше приведен Јовановски-Боки 13 кој е осомничен и и во двата крака на Рекетот, Орце Камчев и Меѓународен Сојуз.

Целиот текст прочитајте го ОВДЕ.