Орце Камчев прв го известил премиерот Зоран Заев, дека е рекетиран, а потоа премиерот ги известил републичкиот јавен обвинител Љубомир Јовески и шефицата на организиран криминал и корупција, Вилма Русковска, дознава „Фокус“.

Премиерот Заев бил кај јавниот обвинител Јовески и кај колешката Русковска да пријави случај за рекет, но тие му порачале дека е подобро сведокот самиот да пријави, изјавил за „Фокус“.

-Обвинителството прави напори овој случај да го истражи до крај. До кого и да стигнеме ќе постапиме соодветно, ни изјави обвинителот Јовески.

Исто така шефицата за организиран криминал, Вилма Рускоска, потврди дека премиерот Зоран Заев прв ја известил дека бизнисмени му се пожалиле оти се уценувани.

Премиерот усно нè извести мене и јавниот обвинител на Република Македонија, притоа изразувајќи подготвеност да дојде и да поднесе кривична пријава на записник. Но ние му советувавме сведокот да дојде во Обвинителство и да пријави, посочува Русковска во изјава за „Независен весник„