Комисијата за деловнички и мандатно-имунитетни прашања, во вторник на 6 ноември, ќе одржи седница, на која ќе одлучува за одземање на пратеничкиот мандат на Никола Груевски.

Препораката од Комисијата за деловнички и мандатно-имунитетни прашања се доставува до Собранието, кое го има последниот збор. За одземање на мандатот потребно е двотретинско мнозинство, кое е тешко достижно со оглед на тоа што 8-те пратеници од новата пратеничка група на ВМРО-ДПМНЕ и коалицијата соопштија дека нема да поддржат таква одлука. Седницата е закажана откако : Основниот Суд Скопје 1 – Скопје, постапувајќи по молба за одлагање на извршување на санкција определена со правосилна пресуда во предметот од обвинителството означен како „Тенк“, донесе решение со кое ја одби молбата, соопштија од таму.

Се поставува прашањето, дали оваа одлука се применува само кон Никола Груевски или треба да биде применета и кон еден друг бивш премиер, еминентен професор на Правен факултет.