Американскиот сенатор, претседавач на Комисијата за државна безбедност, специјален советник на Трамп, Рон Џонсон во посета на Скопје и Атина па Белград и Приштина

Објавил: Мирко Бачиќ | 6 септември, 2018 10:30

Советникот на Трамп за специјални мисии Рон Џонсон доаѓа во Скопје

Фото/Текст извор: ©магазин.мк

Американскиот сенатор и претседавач на Комисијата за државна безбедност Рон Џонсон следната недела доаѓа во Македонија, а ќе ги посети и Грција, Србија и Косово.

Џонсон во Скопје, Атина, Белград и Приштина ќе има средби со високи владини претставници, пренесуваат српските медиуми повикувајќи се на информации од Американската амбасада во Србија.

Сенаторот Џонсон е еден од високо рангираните соработници и специални советници на американскиот претседател Доналд Трамп задолжен за специјални мисии. Џонсон е претседавач на Поткомитетот за европска и регионална безбедносна соработка.

Републиканскиот сенатор од Висконсин, последен пат престојуваше во регионот во февруари, кога ги посети Белград и Приштина.

Џонсон во своите јавни настапи се залага за поголем ангажман на Вашингтон на Балканот и за интеграција на земјите од регонот во ЕУ и НАТО.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.