Угледниот дневен швајцарски весник и онлајн портал „Der Bund„ цитира: Додека косовскиот парламент планира актуелните Косовски безбедносни сили (КБС) да ги преименува во редовна армија, во спорот околу планираното формирање на армијата во Косово, Србија не ја исклучува употребата на воена сила.
“Се надевам дека никогаш нема да мораме да ја користиме нашата армија, но во моментот ова е една од можните опции”, рече во средата шефот на владата Ана Брнабиќ. НАТО, исто така, „ги критикуваше„ плановите на косовската влада иако се знае дека истите се опремени токму од Нато. Ова доаѓа во погрешно време, истакна генералниот секретар на НАТО Јенс Столтенберг во Брисел.
Ако Приштина навистина формира свои вооружени сили, воената алијанса ќе мора да “размисли за степенот на нејзиното учество во Косово” велат извори од НАТО
Од крајот на косовската војна во 1999 година, па досега, мисијата на НАТО КФОР предводена од НАТО беше одговорна за безбедноста на Косово. Во моментов, таа вклучува повеќе од 4.000 војници. А според нашите информации истата таа КФОР војска чини повеќе од две милијарди годишно.
Косовскиот парламент сака да гласа на 14-ти декември за трансформацијата на итните сили за безбедност на Косово (КБС) во редовна армија.Српскиот претседател Александар Вучиќ во вторникот ги обвини косовските власти дека сакаат да го “протераат” српското малцинство од северно Косово.
Косовскиот премиер Рамуш Харадинај пак изјави дека загриженоста на власта во Белград во е неоснована. Плановите не беа насочени против косовските Срби, но идната армија треба да ги поддржи операциите на НАТО во Авганистан и Ирак.
Косово еднострано ја прогласи својата независност од Србија во 2008 година. Повеќе од 110 држави досега ја признаа независноста. За Србија Косово е сепак дел од земјата и го смета за своја провинција.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.