Бројни роднини и пријатели се простиле денеска со семејството Реци од Драч кое загина за време на земјотресот во Албанија. Една од нив е и Кристи Реци, вереницата на синот на албанскиот премиер Еди Рама.

Кристи Реци (24) со синот на Рама Грегори (29) била во врска неколку години, а освен неа настрадале и нејзиниот татко Едвард (54), мајката Долора (49) и братот Клаус (18).

Спасувачите кои ги нашле телата, го затекнала нејзиниот брат кој имал 18 години во прегратките на мајка му.

Кристи Реци дипломирала дерматологија на Универзитетот во Тирана додека синот на Рама завршил на Академијата на уметности во Тирана. Рама низ солзи одбил да зборува за личните работи.

Семејството загина за време на земјотресот кога се срушила шесткатница додека сите станари спиеле.

Мајката била фризерка, а нејзиниот татко служеник.