На скопските клиники денес се пропуштаа само возила на Итна медицинска помош, поради безбедносните протоколи за време на посетата на папата Фрaнциск.
Денеска во официјална посета на Македонија, пристигна папата Франциск кој несвесно и покрај збрките кои ги направи помеѓу политичарите на аеродромот во Скопје, направи и хаос во болниците.
При посетата од папата Франциск во Македонија, за граѓаните беа достапни само Клиниката за детски болести и Клиниката за гинекологија и акушерство. Вработените беа на своите работни места, но се интервенираше само итни случаи. Закажаните прегледи и интервенции беа целосно одложени.
Според податоците од системот Мој термин одложени се 1.736 прегледи и интервенции, кои дополнително ќе бидат презакажани.
Директорот на Градската општа болница „8 Септември“ д-р Христијан Костов изјави дека од вчера од 18 часот кога беше ставена забрана за влез во кругот на Скопските клиники до пладне биле прегледани 351 пациенти, а повеќе од половината биле во Ургентниот центар.
„Хоспитализирани се 43 пациенти, а оперирани се 17. Нема некое драстично зголемување на број на пациенти, околу 30 отсто повеќе од вообичаеното“, вели д-р Костов.
Директорот на Клиниката за хируршки болести „Св. Наум Охридски“ д-р Иван Спировски вели дека согласно препораките и тие работат со зајакнати тимови.
Бројот на пациенти е незначително зголемен за 10 отсто“, вели д-р Спировски.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.