Во тешка сообраќајна несреќа во Шабац на улица Кнез Михајлова возејќи мотор „ЈАМАХА„ загина 22 годишно момче.

На улица Кнез Михајлова во Шабац, загина 22 годишно момче кое со преголема брзина на својот мотор „Јамаха„ изгубил контрола и слетал од патот. 

Се наведува дека телото на несреќното момче, кој починало на лице место, е пронајдено 50 метри подалеку од местото на несреќата. Моторот од преголемата брзина одлетал во воздух и се закачил на каблите за струја.

Српскиот министер за полиција, Небојша Стефановиќ, најави дека ќе се донесе закон во Србија, според кој ќе им се забрани на младите возачи да управуваат со возила од 23 часот навечер до 6 часот наутро. Ова се прави, како што изјави министерот Стефановиќ, за да се спречат младите да возат во алкохолизирана состојба.

Во последниов период во Србија се случија неколку тешки сообраќајки, во кои настрадаа млади луѓе. Повеќето од сообраќајните несреќи се случуваат кога младите се во алкохолизирана состојба или управуваат со возилата со преголема брзина. 

Најголемиот проблем е што младите немаат контрола над самите возила, возат во алкохолизирана состојба, а родителите не водат соодветна грижа за малолетните лица кои често управуваат со нивните возила, изјави министерот Небојша Стефановиќ.