Тешка сообраќајка во Турција со трагичен епилог. Во судир на минибус и камион загинаа седум лица, 19 се тешко повредени.

Најмалку  седум лица загинаа, а 19 се повредени во сообраќајна несреќа која се случила на југот на Турција.

На патот во дистриктот Огузели дошло до директен судир на камион и минибус. Возилото превезувало земјоделски работници кон полињата во Килис.

Од полицијата соопштиле дека на местото на несреќата загинале четири лица, а повредени биле 22 лица.

Во болница починале уште тројца повредени, а меѓу останатите 19 животно загрозувачки повреди имаат тројца.

Меѓу загинатите се и двајцата возачи, а истрагата за причината за несреќата е во тек.