Убиецот на Мартин Нешкоски – специјалецот Игор Спасов кој во 2012 година беше осуден на казна затвор од 14 години излегол од затворот во Идризово и во моментов се наоѓа во својот дом во Штип.

По само 6 години затвор за убиството на Мартин Нешкоски – Спасов е пуштен од затвор под неразбирливо образложение дека има потреба од домашно лекување. Засега официјалните институции се недостапни за понатамошни објаснувања во врска со овој случај. Нејасно е зошто доколку имало потреба од лекување не се користи арестанското медицинско оделение туку Спасов веќе се наоѓа во својот дом во Штип.

Инаку Игор Спасов минатата година оствари и средба и се ракуваше со премиерот Зоран Заев кој го посети затворот Идризово. Во меѓувреме Владата донесе и одлука за амнестија со која повеќе од 800 осудени криминалци и сторители на кривични дела добија едлумно или целосно ослободување од затворските казни.