Како што пренесува курир.рс во центарот на Белград е убиен мигрант од Авганистан на возраст од околу 20 години.
Убиено е 20 годишно момче од Авганистан, во центарот на Белград. Непосредно, пред кафуле настанала тепачка меѓу мигранти, а потоа еден од мигрантите со нож го нападнал другиот во градите. Како што известува Курир, настраданиот Авганистанец бил идентификуван како Камран Кан, кој бил убиен „по куса кавга со друг мигрант“на улицата Краѓорѓева.
Српската полиција веднаш се појавила на местото на несреќата. Убиеното момче било прободено со нож во градите, а белградската полиција го уапси 17-годишникот заради сомневање дека го извршил тешко кривичното дело. Исто така полицијата идентификувала втор осомничен за убиството но тој се уште не е достапен за полицијата и се трага по него.
Против осомничениот за убиство на момчето, ќе биде покрената кривична пријава, по што ќе биде изведен пред судија за малолетници во Белград.
Убиениот мигрант во Србија дошол од Авганистан пред две години, а во главниот град се наоѓал веќе подолго време.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.