Како што објави албанскиот портал Шења, утре во Скопје по повод  9-ти мај, денот на борбите во кумановското „Диво Насеље”, ќе се организира протест под мотото „Против двојни стандарди и против дискриминација и сегрегација на Албанците” .

 Протестот е организиран од Здружението за политички затвореници, заедно со Советот на семејства на лица кои се затворени со строги казни, вклучувајќи ја и групата “Диво Насеље, бели Шпетим Положани,.

Порталот информираше дека протестот е закажан за во 13 часот, од плоштадот Скендербег во Скопје и ќе трае до судот.

За потсетување, вооружената престрелка во Куманово, односно полициската акција за разбивање на вооружена терористичка група, започна на 9мај  2015 година во Куманово. Полициската акција се одвиваше во кумановската населба „Диво насеље“, дел од градската месна заедница „Тоде Мендол“, во близина на автопатот Е75.

Акцијата започна рано утрината во 04:30 часот во саботата на 9 мај и траеше речиси непрекинато 28 часа, сѐ до 10:00 часот во неделата на 10 мај. Акцијата заврши со победа на македонските специјални сили и целосно неутрализирање и елиминирање на терористичката група, која дел ѝ се предале на македонските власти во текот на вечерта во саботата на 9 мај.

Настаните во Куманово се случиле во период на сериозна политичка криза во Македонија и во период кога, од 5 мај, започнаа антивладини протести.

Според сомненијата, како што изјави тогашниот портпарол на Министерството за внатрешни работи, Иво Котески, истакнати членови на групата се претпоставува дека биле: Мухамед Красниќи т.н. Малишева, Мирсад Ндрецај т.н. командант Нато, Сами Укшини т.н. командант Соколи, Бег Ризај алијас командант Бегу и Дем Шеху, алијас Јунику, сите косовски државјани.

Од страна на македонските безбедносни сили во престрелката кај Диво Насеље загинаа осум припадници на специјалните единици на македонската полиција, а беа повредени дури 37 други полицајци во уличните борби низ тесниот и густо населен урбан дел на приградската населба во Куманово.