Откако вчера најави, денеска министерот за здравство Венко Филипче го разреши в. д директорот на Центарот за јавно здравје Скопје, д-р Арбен Зибери, а на негово место како нов в.д директор на Центарот за Јавно здравје е назначен д-р Александар Стојанов, епидемиолог од Центарот.
„Зибери е разрешен заради пласирање на неточни изјави во јавноста со што директно наштети на угледот на членовите на Комисијата за заразни болести, доведувајќи го во прашање кредибилитетот на здравствените институции во борбата со коронавирусот“, соопшти Министерството за здравство.
Ваквата одлука на министерот Филипче е поради објаваѕа на Зибери дека тој како член на Комисијата за заразни болести помогнал да се отворат границите без протоколи за да дојдат иселениците да гласаат за премиер Албанец.
Инаку Зибери, е кандидат за пратеник и втор на листата на ДУИ во првата изборна единица.Тој по вчерашната изјава на министерот во објава на Фејсбук, кажа дека како кандидат има право да изразува политички ставови на својот личен профил.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.