Прилепската полиција на нозе откако денеска во 12 часот беше поставена рачна бомба.

Социјалните мрежи беа преплавени со фотографии на кои се гледаат полициски возила кои ја заобиколија целата прилепска Стара чаршија.

Бомбата беше фрлена денеска околу 12  часот во строгиот центарот на Прилеп во кафулето „Кафе ин“ во центарот на Прилеп.

Полицијата почна да го ослободува просторот за нормално движење на граѓаните и одвивање на сообраќајот.

Како што информираат од СВР Битола експлозивната направа -рачната бомба ја пронашол околу 12,10 часот, сопственикот на кафе-барот Гоце Т. и веднаш ја алармирал полицијата.

Се чекаше да пристигне единицата за антитероризам од Скопје за да се констатира за што станува збор.

Се уште нема подетална информација за оваа ситуација која ги вознемири и ги шокира прилепчани.

На социјалните мрежи веќе се појави фотографија од бомбата, а полицијата за среќа ја отстрани  експлозивната направа.