Најдени се најмалку 19 јагленисани тела во Мексико, недалеку од границата со Соединетите држави, во област каде што се чести конфликтите меѓу наркокартелите, објави државното обвинителство на Тамаулипас.

Како што беше најавено, две запалени возила со човечки остатоци беа пронајдени на споредниот пат недалеку од градот Кармага.

Жртвите биле убиени со огнено оружје, а потоа биле изгорени, покажаа првите резултати од истрагата.

Полицијата посочува дека на местото на злосторството не биле пронајдени чаури, што укажува на можноста жртвите да биле убиени на друга локација.

Градот Кармаго има околу 15.000 жители и се наоѓа на границата со американската држава Тексас.