Инциденти, сообраќајки, кражби,исчезнувања тепачки… ова е секојдневието низ градовите во Македонија.
Билтените на МВР секојдневно се полни со настани, полицијата полни раце работа насекаде низ земјава.
Полицијата работи на расветлување на случаите од изминатите денови.
Еве кои настани се случиле и за кои ќе се спроведат соодветни мерки според законот.
-Во СВР Охрид вчера околу 16,20 часот било пријавено дека на булевар „Туристичка“ во маркет едно лице се обидело да изврши разбојничка кражба односно да одземе одредени производи, но било спречено од вработените, при што една од вработените се здобила со повреда.
Увид на местото на настанот извршила увидна екипа од СВР-Охрид и се преземаат мерки за расчистување на случајот.
– На 29.07.2019 година во 01,05 часот во СВР Скопје К.А.(33) од Скопје пријавил дека на 29.07.2019 година околу 00,40 часот на улицата “Димитрија Чуповски“ пред спортска обложувалница бил физички нападнат од Н.С.(33) од Скопје.
Сочинет записник за константиран прекршок по чл.12 од ЗППЈРМ.
Момче нападнало полицаец на должност на патот Куманово-Скопје, информира МВР.
Вчера во 02:50 часот на автопатот Куманово-Скопје поточно исклучок за обиколница додека полициски службеник вршел контрола на патничко моторно возило управувано од 55-годишниот С.Д. од Скопје бил физички нападнат од совозачот, 26-годишниот И.Д. од Скопје.
Против И.Д. ќе биде поднесен соодветен поднесок.
-Воспитувач во домот Ранка Милановиќ вчера пријавил дека од установата самоволно се оддалечил К.Д. (14), кој и претходно над десетина пати се оддалечувал и бил враќан од полицијата.
Се преземаат мерки за пронаоѓање на лицето.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.