На никого не му е битно што мисли Шилегов за ВМРО-ДПМНЕ, за Зијадин Села, за ДУИ, за Павле Трајанов или за Амди Бајрам. Тоа, што би рекол Заев, е негова лична работа. Но, на мнозинството граѓани на Скопје им е битно до каде е реализацијата на проектите што Шилегов ги вети: трамвај во Скопје, туристичката атракција “зиплајн“ преку Вардар, итна гасификација, град без смог, 24 часа дежурни служби во општините, сообраќаен тунел под Кале, мост од Аеродром кон Автокоманда, булеварско решение за Визбегово и многу други ветувања. На граѓаните на Скопје не им вршат работа политичките пресметки на Шилегов со опозицијата, ниту неговиот вокабулар за популизам, фашизам, груевизам, режим или простотилук. На граѓаните на Скопје им треба одговорен градоначалник што ќе почне повеќе да работи, а помалку да збори.
„Прво би сакал да ги разликуваме поимите разрешен, сменет и дадена оставка. Јас заеднно со другите другари, потпретседатели на СДСМ, во текот на минатата недела ги понудивме нашите оставки и вчера Централниот одбор ги прифати тие оставки. Второ, уште пред седницата на Централниот одбор, јас истакнав дека наша задача како луѓе е победата којашто ја имаме на претседателските избори и да креираме внатрепартиски политики коишто ќе верификуваат таква идна победа на парламентарните избори со цел во Македонија конечно да го елиминираме простотилукот, примитивизмот и фашизмот што го промовира ВМРО-ДПМНЕ во последните 15 години“, рече денеска Шилегов одговарајќи на новинарско прашање на почетокот на реконструкцијата на улицата „Димитрие Чуповски“.
Шилегов потенцираше дека не планира да поднесе оставка од функцијата градоначалник на Скопје. Дел од анализите на изборната кампања на Пендаровски укажуваа на тоа дека и неработата на Шилегов значително придонела за слабиот резултат на СДСМ во Скопје. Инаку, во рамките на СДСМ, Петре Шилегов важи за дел од “урбаното“ крило на Радмила Шеќеринска, Дамјан Манчевски и Рената Дескоска.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.