Најмалку 85 села беа поплавени во Мјанмар по пукање на браната при што се поплави главниот автопат и повеќе од 63.000 луѓе беа евакуирани, велат официјалните претставници.

Пожарникарите, армијата и официјалните претставници започнаа операции за спасување  откако попушти браната Суар во централниот дел на земјата, каде што водата се користи за наводнување. Како резултат на пукањето на браната, водата ги потопи селата и околните места на Суар и Јадаса.

Луин Тун, заменик-директорот на Одделот за наводнување и користење на вода, изјави за локалните медиуми дека нивото на водата полека почнува да опаѓа.

Сообраќајот помеѓу градовите Јангон, Мандалеј и Нејпјидо е прекинат откако е поплавен мостот на автопатот што ги поврзува.